Die mens 'n kar,
Wat vinnig ry.
Geleenthede gaan,
Met spoed verby.
Die mens 'n beeld,
Wat staan en kyk.
Na moontlikhede,
Wat aanloklik lyk.
Die mens 'n skilpad,
In sy dop gekruip.
Te bang om uitdagings,
Aan te gryp.
Die mens 'n pen,
Sonder ink.
Te bang om vir,
Homself te dink.
Die mens 'n kompas,
Sonder wyser.
Wil soms te veel,
Na ander luister.
Die mens 'n donkie,
Word deur ander gery.
Verbrou die erkenning,
Wat hy self kon kry.
The post Die verbeurde mens appeared first on LitNet.