Einstein-kompetisie: Eerste 50 inskrywings

Waaroor doen jong Afrikaanssprekendes by universiteite navorsing? Watter idees word tans deur hulle uitgedink en ontwikkel?

Die Einstein-kompetisie is ’n nuwe kompetisie – die eerste in sy soort in Suid-Afrika – wat nagraadse studente en dosente by universiteite uitdaag om hul navorsingsprojekte (byvoorbeeld ’n meestersverhandeling) in 130 karakters of minder op te som.

Nuuskierig? Alle kompetisie-besonderhede is hier beskikbaar.

Lees hier onder die eerste 50 opsommings en klik op navorsers se name vir verdere inligting. Kompetisie-inskrywings is per studierigting gegroepeer.

Afrikaans en algemene literatuurwetenskap
• Is landskap die wêreld waarin ons woon of ’n toneel in die verte beskou in Breytenbach en Lucebert se latere poësie?
#EinstKomp – Alwyn Roux

Afrikaans en Nederlands
• Hoe word die Afrikaner se identiteit uitgebeeld in die Afrikaanse prosa wat ná 1994 verskyn het? – Frederick J Botha
• Kan ‘n mens, deur hulle tekste uitmekaar te torring, bepaal of Dana Snyman en André le Roux onbewustelik vingerafdrukke los? – Anneen Church
• Van kontinente, lande en stede gepraat – die digter as reisiger: Die reisvers as ontvlugting van verlies. – Dewald Koen
• Die studie van die uiteenlopende visies op diere in Marlene van Niekerk se bundel Kaar (2013). – Anelda Marx
• Die gebruik van Afrikaanse musiek vir die aanleer van woordeskat en uitspraak by taalverwerwingstudente. – Jaydey Sass
• ʼn man het ʼn pampoen gekoop vir sy verjaardag die suffelste september.50 jaar later,daai tyd klop sy vingers steeds teen die holte. – Charles Tait
• Ondersoek die manier waarop Noord-Kaapse Afrikaans in kortverhale uitgebeeld word. – Suné van Rooyen

Algemene taalwetenskap
• Sukkel tweedetaalstudente om met gesag akademies te skryf? ‘n Blik op hoe eerstejaars hulle stemme dik maak op papier. – Risha Lötter
• Verstaan hulle werklik? (Nie)verbale terugvoer van pasiënte tydens pretoets-MIV-berading in landelike Wes-Kaapse dagklinieke. – Janina Theron

Bedryfsingenieurswese
• Rekenaarsimulasie van 'n mot wat suikerriet infesteer om te help met beter ontwerp en toetsing van beheermaatreëls vir die praktyk. – Brian van Vuuren

Bedryfsielkunde
• Ek wonder of dominees geweet het wat op hulle wag toe hulle besluit het om dominees te word, en wat is die nagevolg? – Du Toit Orton
• Die gehalte van basiese onderwys in Suid-Afrika is ʼn tameletjie: rus alle onderwysers toe om die bul by die horings te pak. – Nicola van der Westhuizen
• Die ontwikkeling van ’n psigometriese konstruk vir die identifisering van leerpotensiaal in regstellendeaksieprogramme. – Braam Venter

Bewaringsekologie en entomologie
• Matthee: Die Bos is 'n lewende entiteit; ons moet dit respekteer en bewaar. Kan insekte ons help om haar uitdaging te verstaan? – Rudi Swart
• Ons bepaal die ekologiese dienste wat myte lewer aan proteas met betrekking tot bestuiwing en fungusverspreiding. – Natalie Theron-De Bruin
• Kan ons die verspreiding van vlooie wat dien as vektore van oordraagbare siektes voorspel met behulp van historiese klimaatdata? – Luther van der Mescht

Eenheid vir bedryfswiskunde en informatika
• Kredietgraderings op provinsiale vlak: voorstelle hoe om Suid-Afrika se Departemente van Onderwys en Gesondheid te meet. – Erika Fourie

Filosofie
• Die multiversiteit ('n universiteit sonder 'n sentrale besielende gedagte) word maklik die slagoffer van verskeie ideologieë. – Victor Correia

Genetika
• Angstig oor angstigheid? Angs en stressteurings in ‘n Suid-Afrikaanse konteks #EinstKomp – Nathaniel McGregor

Geskiedenis
• Die 1964-Cillié-kommissie: Regter Cillié se ondersoek oor hoe die SA Weermag bewapen is deur beweerde onreëlmatige prosedures. – Emile Coetzee
• Hoe en hoekom het populêre Suid-Afrikaanse rugbyboeke van 1948 tot 1995 verander? – Wouter de Wet
• Suid-Afrika se Antarktiese geskiedenis: louwarm politiek op 'n witwarm kontinent. – Lize-Mariè van der Watt

Gesondheidstudies
• Die ervarings van families van brandwondslagoffers. – André van der Westhuizen

Gesondheidswetenskappe
• Die ondersoek van kledingkwaliteitpersepsie van bejaarde vrouens om klere spesifiek vir hul te verbeter en welstand te bevorder. – Danielle Coelho

Grond-, gewas- en klimaatwetenskappe
• Teken goeiekwaliteit-grondkaarte, maar grawe minder gate. – George van Zijl

Informasiekunde
• Dis lekker om te lees terwyl mens lag! 'n Ondersoek na wat klein lyfies laat lag in die Afrikaanse kinderboeke van Jaco Jacobs. – Nandi Lessing-Venter

Ingenieurswese
• Papierafval tot bruikbare sellulose so groot soos miljoenstes van 'n millimeter – verterende ensieme in aksie! – Lia Bester
• Die gebruik van sonkrag in suikermeulens om vervaardiging meer effektief te maak en om surpluselektrisiteit op te wek. – Willem Krog
• 'n Alternatiewe metode vir die waardering van mineraalreserwes wat dagsoom in megasteenkoolneerslae in Suid-Afrika. – Barend Hendrik Steyn  
• Die ontwikkeling van 'n voorwerpvermyding-algoritme vir ‘n hommeltuig om onafhanklike vlugte te kan ondergaan. – Ruan van Breda 

Kriminologie
• Die Indiese Oseaan as voertuig vir misdaad: hoe kan seerowery ons help om dwelm- en ivoorhandel om Oos-Afrika se kuslyn te bekamp? – Carina Bruwer

Landbou
• Die hipotese bestaan dat die siekte besmetlike misgeboorte by honde nie endemies is in ons land nie; ek wil dit toets. – Werner Gouws

Logistiek
• 75% van SA skole onderpresteer terwyl 25% oorpresteer. Hoe hef ons die 75% op deur meer as net geld beskikbaar te stel? #EinstKomp – Lieschen Venter

Maatskaplike werk
• Vrystaat-regspersoneel se verwagtinge en vereistes van waaruit 'n goeie maatskaplikewerk-hofverslag se inhoud bestaan. #EinstKomp – Mariëtte Joubert

Nuwe Testament
• Lied, liedere of een lied met twee name in Op. 15? Twee liedere: die lied van Moses (Eks 15) en die lied van die Lam (Op 15). – Rudolph Scharneck

Plantpatologie
• Navorsing om koppe te skuif na meer effektiewe en veiliger toediening van plantbeskermingsprodukte in sitrusproduksie. – Johannes Gideon

Plantwetenskappe
• Is die vyand van die mangobedryf besig om ons geliefde inheemse kareebome te teiken? Of wie is die alternatiewe skuldige? – Juan Swanepoel

Politieke wetenskap
• Vandag ontvang 16 miljoen Suid-Afrikaners in armoede ‘n maandelikse welsynstoelaag. Dié praktyk is veel ouer as wat jy dalk dink. – Leon Schreiber

Privaatreg
• Jy onderneem om in die toekoms 'n kontrak met 'n ander persoon te sluit. Wanneer is jou onderneming bindend en afdwingbaar? – Louis Taljard

Regte
• Mag boewe stem? Beperking van stemreg van gevangenes in demokratiese samelewings: Vergelykende studie van RSA, VSA & VK #EinstKomp – Werner Pretorius

Rekenaarwetenskap en sagteware-ingenieurswese
• Implementering van ‘n virtuele immuunsisteem ten einde rekenaar-, netwerk- en inligtingsbeskerming te verbeter in ‘n organisasie. – Jan van Niekerk

Sentrum vir waterwetenskappe en -bestuur
• Die ontwikkeling van ‘n oppervlakwatermodel om die effek van suurmynwaterbronne op omliggende riviere te bepaal en te bestuur. – AJ van Schalkwyk

Sielkunde
• Die era van die afwesige vader: Maak pappas saak? Kwaliteit-pa-seun-verhoudings as 'n faktor in geweldsmisdaadbekamping. – Zibeth Hansen

Statistiek
• Die ontwikkeling van waarskynlikheidsverdelings om komplekse data van seine meer akkuraat te modelleer. – Johan Ferreira

Taalpraktyk
• Suid-Afrikaanse Gebaretaal is nie dood nie, dit is 'n taal uit eie reg. Hoe verskil ons gebaretaaltolke en ons gesproketaaltolke? – Simoné Hendriks

Taalpraktyk en linguistiek
• Wie skryf wat op die muur en waarom? ’n Gevallestudie van die bepalende faktore by geskrewe taalkeuses in die openbare ruimte. – Chrismi-Rinda Loth
• Jou skoolrapport wys jy is ’n uitblinker in tale. Hoekom sukkel jy dan so met formele opstelle skryf op universiteit? – Jo-Mari Myburgh

Vertaal- en tolkstudie
• Tolkopleiding vir die toekoms: hoe rekenaars kan bydra tot meertaligheid. – Vonette Smit

Wiskunde en toegepaste wiskunde
• Wiskunde en kieme: Is die voorspelling van siekteverspreiding onder mense moontlik wanneer die omgewing oorweeg word? – Andrea Scholtz

The post Einstein-kompetisie: Eerste 50 inskrywings appeared first on LitNet.