| Hierdie blad bevat erotiese literatuur. Indien jy jonger as 18 is, verlaat die blad asseblief onmiddellik. | The following page contains erotic literature. If you are under the age of 18, please exit this page immediately. |
Hoekom is jou mond so groot?
Want my kind, vanaand gaan ek:
die silwer (al is ek allergies)
die swart kerse
my gunsteling-rubbervoorskoot (kiss the cook)
en die elektriese sondagmes
netjies op die altaar posisioneer
ek gaan jou met gekaramelliseerde komplimente
skrik-raak invryf
ek gaan jou met kraakvars aandag
marineer, sag maak
ek gaan jou met my oë
ontvries, ontbeen
ek gaan jou oor stadige kole geduldig draai
en af en toe proe en
net voor jy gaar is gaan ek
jou kierankies krakerig braai
in die vlamme
ek gaan my bek gretig met jou verbrand
en jou, bliksem! eers laat rus
dan die kerse aansteek
die gevalle musikante oproep
om in hul afguns te getuig
ek gaan met my kloue in jou in vaar
jou senings met my tande verskeur
ek gaan die murg uit jou pype suig
en die res met my kloue uitwurg
met ongeryste brood
die laaste druppel sous
oplek
versadig gaan ek jou lendelam lyk
in die wasbak week
naak in die naglug ‘n sigaret rook
terwyl jy op my herhaal
The post LêNet: Verslind appeared first on LitNet.