Karel Schoeman (1939–2017)
Oor afskeid en vertrek,
stilte en eensaamheid,
die dood, ’n onbestemde land,
het jy in vele romans verken.
Jou laaste brief, strak versend
aan jou prokureur, oor selfbeskikking.
As verkenner van verlating
in al sy vorme, lees ek vannag
jou laaste brief, ’n ontslag
uit hierdie lewe. Dit is dan my
afskeidsgroet aan jou, ’n heliograaf,
flitsend na jou op ’n eiland,
op reis na ’n ruimte van genade.
The post Karel Schoeman (1939–2017) appeared first on LitNet.