Braam de Vries
Die wenner van LitNet se Afrikaanse woord van die jaar-kompetisie 2016 is pas bekend.
Braam de Vries wen R1000 vir die woord "staatskaping".
Baie geluk, Braam!
Omdat meer as een inskrywing van hierdie woord ontvang is, is die wenner deur middel van 'n trekking bepaal.
Hier is nog agtergrond van die kompetisie:
'n Woord kan 'n tydsgees vasvang.
In 2013, toe LitNet die eerste keer LitNet se Suid-Afrikaanse woord van die jaar-kompetisie aangebied het, was die woord op almal se lippe "e-tol".
Een van 2014 se mees emotiewe woorde was "beurtkrag". (Sien "Woorde van 2014", deur Willem Botha en die WAT.)
In 2015 was daar vuurwarm diskoers rondom studenteprotes en hutsmerkveldtogte. Die # is aangewys as wenner.
Besoek hierdie kategoriebladsy om vanjaar se inskrywings te bekyk.
Die kompetisie is geloods om uit te vind watter ontstellende, prikkelende en aktuele Afrikaanse woorde in 2016 op almal se lippe was.
The post Wenner: LitNet se Afrikaanse woord van die jaar 2016 appeared first on LitNet.