http://www.litnet.co.za/litnet-se-afrikaanse-woord-van-die-jaar-2016/
LitNet vra: Wat is die Afrikaanse woord van 2016? Waaraan laat hierdie jaar jou dink? Hier onder is ons lesers se heel eerste inskrywings. (As 'n woord gekies word wat meer as een voorkom, sal die wenvoorstel deur middel van 'n trekking bepaal word.)
- Zumafia (die kliek wat Jacob Zuma rondom hom vergaar het om sy presidensie te beskerm), Christo Viljoen
-
Staatskaping, of bloot kaping, Jaco Barnard-Naudé
-
My inskrywing vir die Afrikaanse woord van 2016, is "hof".
Die woord het Suid-Afrika se politiek oorheers: toenemend lyk dit asof ons demokrasie in verskillende Suid-Afrikaanse howe, eerder as by die stembus, beslis word. Selfs ons openbare instellings (die Openbare Beskermer, bv) se verslae word hof toe gesleep. Studentebewegings probeer, dmv howe om universiteite tot stilstand te bring. Universiteite dagvaar hulle eie studente. Ou politieke kamerade dagvaar mekaar vir naamskending, en die president en trawante gebruik ook die howe om politieke speletjies te speel en, bordjies te verhang. Die EFF het hulle grootste politieke triomf nie by die stembus nie, maar in die hof gehad, rondom die Nkandla-storie! Die Konstitusionele Hof se status (en werkslading!) is hoër as ooit.
Selfs op internasionale vlak, is "hof" ons tema: Suid-Afrika se onttrekking aan die Internasionale Strafhof, veroorsaak skokgolwe beide hier en in die buiteland. Daar mag dalk 'n domino-effek in Afrika plaasvind. Dalk word die wêreld se politiek ook toenemend in howe bepaal? Europa se howe is beslis besig om te probeer sin maak van wat Brexit aan al die derduisende kontrakte binne die EU gaan doen!
En op 'n ligter noot: soos in die mens se natuur, is dit altyd nuus as bekendes mekaar "die hof maak". Of dit nou Afrikaanse sangers, of sportlui is, of selfs politieke partye wat by mekaar en die kiesers vlerk sleep, ons nasie gee aandag!
"Hof"-like wense, Yolanda Spies
-
My woord is: trumpifikasie
Die vervlakking van sosiale, kulturele en politieke sake wat voorheen as belangrik en besonders beskou is, op 'n boelieagtige en populistiese manier.
Coenraad Walters
-
Ek wil graag die volgende woord(e) nomineer as woord van die jaar (2016):
Rassisme
Haatspraak
Kampusgeweld
Kampuswoede
Korrupsie
Renoster
Renosterstroper
Hofsaak
Water
Anna-Mari Pretorius
-
Dekolonisasie, Comien van Wyk
-
"krimpflasie", Desmond Ras
-
Staatskaping, Andreas van Wyk
- Staatskaping, Anna Weideman
- "Kernhomo", deur Barend van der Merwe
The post Eerste inskrywings: LitNet se Afrikaanse woord van die jaar 2016 appeared first on LitNet.