Foto van Jaco Botha: Gérard Rudolf
Die LitNet-redaksie neem met 'n swaar hart afskeid van Jaco Botha, wat op 18 Oktober oorlede is. Jaco was oor 'n tydperk van baie jare vryskut by LitNet betrokke en het ook die afgelope tyd LitNet se nuwe skryfwerk behartig. Meelewing word in hierdie tyd teenoor sy familie en vriende uitgespreek.
Die redaksie versoek dat alle skryfwerk wat reeds deur Jaco Botha gekeur is, asseblief onder ons aandag gebring word. Stuur asseblief 'n e-pos na skryfwerk@litnet.co.za. Ons vra om verskoning vir die feit dat daar nou 'n aansienlike vertraging van skryfwerk sal wees.
Nuwe voorleggings kan steeds na die skryfwerk@litnet.co.za-adres gestuur word. Slegs die allerbeste nuwe skryfwerk word op LitNet geplaas en lesers word versoek om begrip daarvoor te hê dat geen korrespondensie gevoer sal word oor waarom sekere bydraes vir publikasie afgekeur is nie.
Dankie.
Vriendelike groete
LitNet-redaksie
The post Jaco Botha en LitNet se nuwe skryfwerk appeared first on LitNet.