Dis geneig om,
Motoriste te frustreer.
Want ’n enkelbaan,
Het die motors vasgekeer.
Soos slakke, trapsoetjies,
Vorentoe beweeg.
Terwyl die bestuurders sien,
Twee bane langs hulle is leeg.
Die snelweg se gejaag,
Onmiddellik vertraag.
Enjins se geraas
Kom lê nou skielik laag.
Soos die groot trek,
Kom motors nou aan.
Moet nou baie stadiger,
Na hul bestemmings gaan.
Padwerke,
Vol trok en vol man.
Sien hoe motoriste,
Geduldig verby hulle gaan.