Fotobron: notaphotoshoot.wordpress.com
Vir C
As my mond openlik kon praat,
sou ek woorde in jou hande plant
en vra dat jy na dit omsien
totdat die woorde sinne maak
en sinne stories maak
en naderhand, in jou hand, is jy.
Ek en jou woorde ken mekaar.
Ek wou al die taal deur jou arms trek
en vasbind agter jou blad,
sodat jy kan rondloop met my woorde
in die kaste langs jou bors.
Hoekom kan ek nie net my woorde
langs jou neerlê en my hoof
op jou ken laat slaap nie?
Ek wil binne jou skryf
en elke woord vir jou voer
totdat daar nie meer woorde oor is nie
en niks niks is nie.