Foto: Canva.com
adieu
toe ek wil teruggaan op my spoor
jou menswees herontdek en weer bemin
het ek jou reeds verloor
jy het bome geplant waar ek wou reis
bakens verskuif om my te fnuik
jou finale wegraak van my
was argeloos terloops
en ek moes toekyk hoe jy
onvermoeid en sonder terugblik
ligvoets kortpad vat
dwarsoor die puin van elke brug
wat ek onwetend verbrand het