Foto: Canva.com
Die prag in jou kleure
Ek staar na die prag in jou kleure
jou buitelyne van krag
jou hart is in jou water
jou siel in jou berg
dit is jou ontstaan
die mens het jou gevat
mak gemaak vir homself
tog het God jou gemaak
jou gevorm deur die eeue
die winde en die weer
die water op die rotse
jou prag en geheime
onder jou duine
baie het gedink
jy is hulle eiendom
vandag is hulle dood
jy lewe nog
baie het gekom
baie het gegaan
terwyl jy Elandsbaai
vas met jou voete
in die water bly staan.
The post Die prag in jou kleure appeared first on LitNet.