Vrydag 12 Februarie is die kans van ’n leeftyd wanneer die Woordfees meer as 1 000 kaartjies vir verskillende vertonings by vanjaar se fees teen afslag van 20-80% aanbied. ALLE kaartjies wat op die Bly Vrydag-verkoping beskikbaar is, kos slegs R30!
“Dit is ons manier om aan die mense van Stellenbosch dankie te sê vir al die jare se lojale ondersteuning. Ons glo dat hierdie inisiatief nuwe feesgangers na die fees sal lok omdat die pryse uiters bekostigbaar is. Kaartjieverkope is beter as dieselfde tyd verlede jaar, en Stellenbossers verdien só ’n bederf – hopelik maak dit hulle bly!” sê Saartjie Botha, US Woordfeesdirekteur. Kaartjieverkope is in dié stadium 7.51% hoër as die ooreenstemmende tyd verlede jaar.
Ses-en-twingtig van die vertonings wat by die Woordfees te sien gaan wees, word by hierdie aanbod ingesluit. Sien uit na spesiale aanbiedings op onder meer Johnny Clegg, die Karnaval en Liewe Heksie: Flower Power.
Die volgende bepalings en voorwaardes geld:
*Slegs kontant. Dit is die laaste keer wat jy kontant by die Woordfees kan gebruik. Voortaan word net kontantkaarte of krediet- of debietkaarte aanvaar.
*Hierdie kaartjies is slegs te koop by die drie punte hieronder genoem en slegs tydens die genoemde tye.
*Die aanbod is net geldig op vooraf-uitgesoekte vertonings.
*Die aantal kaartjies per vertoning is beperk.
*’n Vaste aantal kaartjies word per verkoopspunt beskikbaar gestel.
*Slegs ses (6) kaartjies per persoon.
*Die spesiale aanbod is by drie plekke:
7:00-9:00 – Hoërskool Luckhoff, Bloekomlaan, Idasvallei
10:00-12:00 – Woordfeeskantoor, Erfurthuis, Ryneveldstraat 37, Stellenbosch midde-dorp
13:00-14:00 – Loopvlak van die Neelsie-studentesentrum, Rooiplein, Universiteit Stellenbosch
Die volledige program is hier beskikbaar.
The post Koop US Woordfeeskaartjies teen afslag appeared first on LitNet.