| Lees ook: |
|---|
| • Inligting omtrent die Jan H Marais-prys vir 2016 |
| • Die merkwaardige nalatenskap van Jan die Gewer |
Die SA Akademie vir Wetenskap en Kuns administreer die nuut ingestelde Jan H Maraisprys wat vanjaar vir die eerste keer toegeken word. Nominasies word ingewag tot 25 Januarie en die Prys word by 'n glansdinee op 28 Mei in Stellenbosch oorhandig.
Die Prys is om erkenning te gee vir 'n uitstaande bydrae tot Afrikaans as wetenskaptaal deur wetenskaplike werk en publikasies op hoë vlak en van hoë gehalte in Afrikaans. Geestes- en natuurwetenskaplike werk wat medies, ekonomie, tegnologie, ingenieurswese en dies meer insluit, is dus ter sprake. Volledige inligting is op die webwerf van die Akademie www.akademie.co.za by Pryse beskikbaar.
- Hierdie is 'n hartlike uitnodiging om nominasies te stuur aan dprinsloo@akademie.co.za.
The post Uitnodiging vir nominasies vir die R500 000 Jan H Maraisprys appeared first on LitNet.