Bron: http://rekordcenturion.co.za/53318/rocker-verloor-stryd-teen-kanker/
| Lees ook: |
|---|
| • Drikus "Brixton" Barnard: Toe klim ek ook op die bandwagon |
| • Twee jaar ná die afsterwe van Nelson Mandela |
| • Ricardo: die sanger, en die tyd waarin hy geleef het |
Nee man, Brixton Barnard, nee! Jy weet, en ek dink jy sou dit waardeer, Bill Hicks het in een of ander ou skit gesê: "We live in a world where John Lennon was murdered, yet Barry Manilow continues to put out fucking albums. God-dammit! If you're gonna kill somebody, have some fucking taste. I'll drive you to Kenny Rogers's house."
Ek stem nou nie saam met Bill oor Kenny Rogers nie – ek meen "I just dropped in to see what condition my condition was in" en "You've gotta know when to hold 'em, know when to fold 'em" en so aan – maar jy's een van die sangers wat ons nodig gehad het. Hoekom moes jy nou al 'n ninja-bom trek om by die agterdeur uit te glip? In watter soort virtuele wêreld vol global village idiots is "Ford Granada" of "Paul van der Zandt" of Trike se "Simone jy wil swaai" nie op YouTube of Vevo te vinde nie?
Ons het net een keer 'n ernstige klagte by die Unhappy Hour gekry en dit was toe ons laasgenoemde gespeel het en die stasiebestuurder se swanger vrou so ontsteld was oor die lirieke dat sy haar man aangesê het om my en Clive E Smith te bel en te sê dat ons van die lug af gehaal sal word as ons weer so iets spin. Miskien was daar iewers 'n belaglike klagte van onder of van bo wat jou nou van die lug af laat haal het.
Ek's net bly ek kon jou nog 'n laaste keer in gelate aksie sien by verlede jaar se Slaaptyd in die Suburbs album launch op Wellington – die foto wat ek geneem het was geblur, nes ek, maar dit voel nou reg so.
Sterkte aan Gerhard Barnard, Andries Bezuidenhout, Pippie Miemie Langkousen almal wat na aan jou was. Jy laat 'n broeiende Brixton-vormige leemte.
The post In memoriam: Brixton Barnard appeared first on LitNet.