Vir sy navorsing vir die weeklikse Regsalmanak-rubrieke maak Gustaf Pienaar grotendeels van Juta Law se aanlyn biblioteek gebruik. Hierdie regsbiblioteek is ‘n omvangryke naslaanbron van hofsake, wetgewing en ons land se dinamiese grondwetlike ontwikkeling. Juta Law stel hierdie bronne goedgunstiglik tot Gustaf se beskking vir die skryf van hierdie rubrieke. Vir nadere besonderhede besoek www.jutalaw.co.za
Fotobron: africanskytours.co.za
'n Mens moet regtig soms 'n bietjie simpatie hê vir die opstellers van wette. Hulle moet partykeer baie moeilike begrippe baie noukeurig omskryf sodat almal wat daardeur geraak word presies kan weet wat die bedoeling van die wetgewer was. Daar is nie verniet baie slim prokureurs en advokate wat met vergrootglase sit en kyk of hulle nie êrens in 'n wet 'n skuiwergat kan kry nie.
Vat nou maar iets soos die omskrywing van die grense van die Nasionale Krugerwildtuin in die National Environmental Management: Protected Areas Act, 57 van 2003. As jy na 'n landkaart van die wildtuin kyk, dan kan jy gemaklik met jou oë die grenslyn van die wildtuin volg – veral ook omdat dit die wildtuin op die meeste kaarte pragtig groen ingekleur is. Maar gaan probeer nou om daardie grens noukeurig in woorde te beskryf en gou-gou sal jy besef dat dit nie 'n eenvoudige taak is nie.
Die vorige Wet op Nasionale Parke, Wet 42 van 1962, het 'n gedeelte van die wildtuin se grens soos volg in vloeiende Afrikaans omskryf: "Vanaf die punt van die samevloeiing van die Luvuvhuririvier (Pafuririvier) en die Limpoporivier; daarvandaan suidwaarts langs die internasionale grenslyn tussen die Transvaal en Mosambiek tot waar dit die regteroewer van die Komatirivier kruis; daarvandaan weswaarts langs die regteroewer van die Komatirivier tot by sy samevloeiing met die Krokodilrivier en verder weswaarts langs die regteroewer van die Krokodilrivier ..." ens, ens. Ek sal aanstons verduidelik waarom ek “regteroewer” telkens beklemtoon het. (Min of meer dieselfde omskrywing van die Krugerwildtuin se grens – tans net in Engels – word in Wet 57/2003 gevolg. Dit verskyn aan die einde hiervan, vir diegene wat daarin sou belang stel.)
In 'n hofsaak[i] wat op 22 September 1969 voor die hooggeregshof in Pretoria gedien het, moes die hof besluit wat word bedoel met "regteroewer" van die Krokodilrivier. Die rede was dat 'n sekere mnr Bezuidenhout op heterdaad betrap is toe hy besig was om van 'n rots in die Krokodilrivier vis te vang. Daar was twee aanklagte teen hom: eerstens, dat hy sonder toestemming binne die grense van die Krugerwildtuin visgevang het en tweedens, dat hy by dié geleentheid die wildtuin binnegegaan het sonder die nodige permit. Hy is deur die landdros skuldig bevind en 'n stywe boete opgelê. Daarteen het hy geappelleer en dit is hoe die saak in die hooggeregshof beland het.
Mnr Bezuidenhout het 'n slimmerige advokaat gehad. Hy het geargumenteer dat as 'n mens kyk na die omskrywing van die grense van die Krugerwildtuin en jy kom by daardie gedeelte waar die Krokodilrivier ter sprake is, dan word daar telkens gepraat van die regteroewer van die Krokodilrivier. Nou, miskien moet ek net weer jou geheue verfris: jy sal onthou dat in die omskrywing van die grense van die wildtuin in die betrokke Wet dit noord by Pafuri begin en dan al met die oostelike grens tussen die wildtuin en Mosambiek afgaan tot onder by Komatipoort en dan weswaarts swaai in die rigting van Malelane, Kaap Muiden en Nelspruit – al langs die regteroewer van die Krokodilrivier. Die Krokodilrivier is dus die suidelike grens van die wildtuin. Mnr Bezuidenhout se advokaat het geargumenteer dat as 'n mens hierdie omskrywing in die wet reg vertolk, dan val die Krokodilrivier buite die Krugerwildtuin, want daar word gepraat van die “regteroewer” van die Krokodilrivier. As mnr Bezuidenhout se advokaat reg was in sy argument, dan het hy nie 'n oortreding begaan toe hy in die Krokodilrivier visgevang het nie, want dan val die rivier buite die grense van die Wildtuin.
Die Staat se advokaat het egter anders geargumenteer op grond van die omskrywing van die “regteroewer” van 'n rivier in die Oxford English Dictionary asook in die Nieuw Groot Woordenboek der Nederlandse Taal. Volgens dáárdie omskrywings beteken die "regteroewer" van 'n rivier daardie kant van die rivier wat in die rigting van die see vloei. Nou, die Krokodilrivier vloei ooswaarts in die rigting van Mosambiek. Naby Komatipoort vloei dit ineen met die Incomatirivier, wat dan so 'n entjie noord van Maputo in die Indiese Oseaan uitmond. Só gesien, was mnr Bezuidenhout vas, want dit het beteken dat die suidelike oewer van die Krokodilrivier eintlik die "regteroewer" is, en dis op 'n rots aan daardie suidelike oewer waar mnr Bezuidenhout die oggend deur twee bewaarders van die Nasionale Krugerwildtuin aangekeer is. Hulle het later vertel dat hy só geskrik het toe hy hulle gewaar dat hy sonder sy skoene weggehol het. Maar dis boswêreld en omdat sy naam nie Kaalvoet Thysie was nie, het hulle hom maklik-maklik aangekeer.
Omskrywing van die Krugerwildtuin se grense, soos vervat in Bylae 2 tot Wet 57 van 2003:
From the confluence of the Limpopo River with the Luvuvhu River (Pafuri River) generally southwards along the boundary of the Province of the Transvaal and Mozambique (Survey Records 1762/75) to the point where the last-named boundary is intersected by the right bank of the Komati River; thence westwards along the right bank of the said Komati River to its confluence with the Crocodile River and continuing generally westwards along the right bank of the Crocodile River to the south-eastern corner of Lot 347 in the Kaap Block section E; thence generally north-eastwards along the boundaries of the following lots in the Kaap Block section E so as to exclude them from this area: Lots 347, 372, 370, 366 and 367, to the south-eastern corner of the last-named lot; thence generally northwards along the right bank of the Nsikazi River to the south-eastern corner of the farm Daannel 33 JU; thence north-westwards along the boundaries of the last-named farm, so as to exclude it from this area, to the north-western beacon thereof; thence north-westwards and north-eastwards along the boundaries of the farm Numbi 32 JU, so as to include it in this area to the north-eastern beacon thereof; thence north-westwards along the north-eastern boundary of Lot 201 in the Kaap Block section F to the southern-most beacon of the farm Rooiduiker 19 JU; thence north-westwards and northwards along the boundaries of the said last-named farm, so as to include it in this area, to the northern-most beacon thereof, and continuing north-eastwards along the south-eastern boundaries of Lots 147 and 146 in the Kaap Block section F to the north-eastern corner of the latter lot; thence generally eastwards along the left bank of the Sabie River to the south-eastern corner of the farm Kingstown 380 KU; thence eastwards and generally northwards along the boundaries of the following farms so as to exclude them from this area: The said farm Kingstown 380 KU, Toulon 383 KU, Charleston 378 KU, Flockfield 361 KU, Malamala 359 KU, Eyrefield 343 KU, Gowrie 342 KU, Buffelshoek 340 KU, Sarabank 323 KU, Jeukpeulhoek 222 KU, Middel In 202 KU, Albatross 201 KU, Kempiana 90 KU and Vlakgezicht 75 KU to the north-eastern beacon of the last-named farm; thence north-eastwards along the north-western boundary of Portion 1 (Diagram SG A 1815/61) of the farm Addger 69 KU to the northern-most beacon thereof; thence generally northwards along the boundaries of the following farms so as to exclude them from this area: Ceylon 53 KU, Sumatra 47 KU, Brazilie 48 KU, Op Goedehoop 25 KU, Buffelsbed 26 KU, Roodekrantz 27 KU, Rietvley 28 KU, Diepkloof 406 KU, Portion 6 (Diagram SG A 8744/69) of the farm Klaseriemond 15 KU, Zeekoegat 12 KU, Portion 2 (Diagram SG A 6362/65) of the farm Vereeniging 11 KU, the farms Merensky 32 LU, Laaste 24 LU, Silonque 23 LU, Genoeg 15 LU and Letaba Ranch 17 LU to the north-eastern corner of the last-named farm; thence eastwards along the left bank of the Great Letaba River to its confluence with the Klein Letaba River; thence generally north-westwards along the right bank of the Klein Letaba River to the northern-most beacon of the farm Draai 2 LU; thence north-westwards in a straight line to the south-eastern beacon of the farm Alten 222 LT; thence north-westwards and north-eastwards along the boundaries of the following farms so as to exclude them from this area: The said farm Alten 222 LT, Plange 221 LT, Lombaard 220 LT, Ntlaveni 2 MU and Mhingas Location Extension 259 MT to the north-eastern beacon of the last-named farm; thence westwards along the northern boundaries of the farms Mhingas Location Extension 259 MT and Mhingas Location 258 MT to the north-western corner of the last-named farm; thence generally north-eastwards along the middle of the Luvuvhu River (Pafuri River) to the point where the prolongation southwards of boundary BA on Diagram SG A 58/73 of a boundary line for purposes of proclamation over State land intersects the middle of the Luvuvhu River (Pafuri River); thence northwards along the said prolongation to the point where the said prolongation intersects the Mutale River; thence generally south-eastwards along the middle of the Mutale River to its confluence with the Luvuvhu River (Pafuri River); thence generally eastwards along the middle of the last-named river to its confluence with the Limpopo River, the point of beginning.
[i]Vgl Staat v Bezuidenhout 1970(1) 162 (TPA)
The post Krugerwildtuin se grensomskrywing appeared first on LitNet.