Kwantumfisika
word nanotegnologie
Ek sit die pot mis!
Is hidrobreking
die aarde se beroerte
en stil dood, later?
In een laaste vlaag
slaak die aandlug sag 'n sug
stil oor die rivier
Rank rivierriet roer -
rimpel watervlak – betrek
(reg geraai) ook ek
As sug gemáák is
nie spontaan nie – is sug klug
burlesk teater
Hul bespeel mekaar
hy speel haar soos `n kitaar
sy hom – soos `n drom
Hei blinkoog geitjie
jy – markasietborsspeld
uit toeka se tydjie
Dag kraaihoenderhaan
dag mossie – dagbreker – spreeu
Nag haas – vlermuis – uil
Toktokkie tokkel
die aardbol se ritmes
in morsekode
Toktokkie tik tyd
as metronoom, staccato
vir getye uit
Knoop-en-doop vir my
'n Afrika-wildehond
wit – swart – taan en bont
'n Selfoon het haar
uit dié lewe verlos
die kuberhemel in
Nie gevolge nie -
oorsake van apartheid
is wat tans oorbly
Wil jy my vertel
daar kom 'n mens te voorskyn
as 'n draak vervel?