Fotobron: www.sa-venues.com
Versigtig trap jy,
'n tou gespan tussen
twee wêrelde.
Elke voettrap geskeur tussen
verwagting en koestering
verdeelde plig
kwartierliks -
in 'n amper-bipolêre dans van
opoffering.
Dis oukei om alleen te wees?
sê-vra jy met drome in jou oë.
Sê my net, toe?
Jy's my digter, jy sal weet,
is ek onthef van lank-vergeet?
As jy jou kop neerlê en net
rus rus rus
en my vingers deur jou hare jou
sus sus sus.
Luister na die bateleur.
Soos die touloper sal jy weet
en
in sy roep sal jy
jou antwoord vind.